Wednesday, September 20, 2017
Home > नेपाली समाचारहरु > मनोरञ्जन > अत्यधिक मेकअप गरी महिलाको भेषमा भाग्न खोज्ने आइएसका लडाकू दाह्री जुङ्गा नकाटेका कारण पक्राउ

अत्यधिक मेकअप गरी महिलाको भेषमा भाग्न खोज्ने आइएसका लडाकू दाह्री जुङ्गा नकाटेका कारण पक्राउ

आइएसआइएसका लडाकू अत्यधिक मेकअप गरी महिलाको भेषमा मोसुलबाट भाग्न प्रयास गरिरहेका कारण पक्राउ परेका छन् । उनी पक्राउ पर्नुको पछाडि निकै रोचक कारण छ । अत्यधिक मेकअप गरेका उनले दाह्री–जुङ्गा काट्न बिर्सिएका कारण उनी पक्राउ परेका हुन् ।

आइएसआइएसका लडाकूले भाग्नका लागि महिलाको पहिरन लगाए, भद्दा मेकअप गरे  तर दाह्री जुङ्गा भने काट्न बिर्सिए ।

समय परिवर्तनशील छ, जुन इस्लामिक स्टेटका लडाकूलाई देखेर मानिसहरु विचलित हुन्थे आज उनीहरु इराकी फौज हावी भएपछि शहर छोडेर भाग्नका लागि अचम्मका तारिका अपनाइरहेका छन् । कोही महिलाको भेषमा भागिरहेका छन् भने कोही अत्यधिक मेकअप गरेर बच्ने उपाय लगाइरहेका छन् । तर आफ्नो मूर्खताका कारण पक्राउ पनि परिरहेका छन् ।

यस्तैमा, एक लडाकूलाई पक्राउ गरियो जसले महिलाको रुप धारण गर्नका लागि आफ्नो तर्फबाट पूर्ण कोसिस गरे । उनले ओठमा रातो लिपस्टिक लगाएका थिए, मस्कारा पनि लगाएका थिए । आँखामा मज्जाले देखिने प्याजी रङको आइस्याडो पनि लगाए र ब्लसरको पनि प्रयोग गरे । उनले अनुहारमा एक दुई ठाउँमा कोठी पनि लगाउन भ्याए । यी सबै कुरा गर्न भ्याए तर आफ्नो दाह्री जुङ्गा काट्न पनि बिर्सिए ।

उनको तस्बिर इराकी सैनिकले जारी गरेको हो । सैनिकले जारी गरेको अन्य तस्बिरमा  एक लडाकूले लिपस्टिक लगाए, दाह्री–जुङ्गा पनि काटे । विग पनि लगाए र ब्रासमेत । तर उनले आफ्नो छातीको रौं फाल्न बिर्सिए जुन उनले लगाएको टपबाट स्पष्ट देखिरहेको थियो ।

स्मरण रहोस्, सेना वा पुलिसले घेरिएपछि आफ्नो ज्यान बचाएर भाग्ने प्रयासमा महिलाको भेष धारण गर्नु आइएस लडाकूको पुरानो तरिका हो । योभन्दा पहिले कश्मि र इज्प्टिमा पनि चरमपन्थीहरुले यस्तै कोसिस गरेको अवस्थामा पक्राउ परेका थिए ।

Comments

comments

Leave a Reply

%d bloggers like this: