Wednesday, September 20, 2017
Home > नेपाली समाचारहरु > समाचार > राजेन्द्र महतोले गरे ‘साइकल’ चिन्हको प्रचार साइकलमै चढेर

राजेन्द्र महतोले गरे ‘साइकल’ चिन्हको प्रचार साइकलमै चढेर

जनकपुर– दुई चरणको स्थानीय तहको निर्वाचनमा भाग नलिए पनि तेस्रो चरणको निर्वाचनमा भाग लिएर २ नम्बर प्रदेशलाई प्रतिष्ठाको विषय बनाएको राष्ट्रिय जनता पार्टी नेपालका नेताहरुले निर्वाचनको नयाँ नयाँ प्रयोग गर्न थालेका छन् ।

विभिन्न ६ मधेसवादी दलबीच एकता भई बनेको राजपा नेपालले छाता चिन्ह मागे पनि स्थानीय तहको निर्वाचनमा छाता चिन्ह नपाई साइकल पाएपछि राजपा नेताहरु साइकल चढेर चुनाव प्रचार गर्न थालेका छन् ।

राजपा नेताहरु यतिबेला २ नम्बर प्रदेशमा नै केन्द्रित छन् । मंगलबार जनकपुरमा राजपाले गरेको चुनावी सभापछि राजपा अध्यक्ष मण्डलका सदस्य राजेन्द्र महतोले साइकल चढेर चुनावी प्रचारमा हिडेका थिए । साइकल चलाउनसमेत नदोहोरेका महतोले अब सबै मधेसी जनता साकइलमा नै चढ्नुपर्ने समेत बताए ।

आठ जिल्ला समेटिएको २ नम्बर प्रदेशअन्तर्गतको १ सय ३६ स्थानीय तहमा असोज २ गते निर्वाचन हुँदैछ ।

Comments

comments

Leave a Reply

%d bloggers like this: